الألف: أنا بدي مصاري عندي عزيمة
الباء : بكرا لازم توصلني لبيت أهلي عندهم حفلة
التاء : ترى اليوم أنا مالي مساوية عشا جيب معك أكل جاهز
الثاء : ثلاث أسابيع ما طلعنا تمشينا يالله اليوم اعمل حسابك تطالعنا
الجيم: جيرانا ركبوا اليوم دش معقول نحنا ما يكون عنا
الحاء : حبيبى..بدى غير ساعتي ,مليت من ساعتى الأوميغا
الخاء : خبر الشله اليوم انك مالك جاي ..أنا عازمتك نتعشى بره, بس على حسابك
الدال : دور لنا على فيلا على 3 شوارع شو يعني بيت أخوك أحسن مننا
الذال : ذيك السنة (قبل 10 سنوات) قلت لك اشتر لنا سيارة فان أوسع وما شريت
الراء : روح قدم على إجازة و خلنا نسافر عا البحر ,, شوووب
الزيين : زيد مصروف البيت يعني يا دوب عم يكفي
السين :سجاد البيت صار قديم .....غيره يا أخي السجاد ما كمل سنتين
الشين : شيل الولد مالك شايف انو عم يبكي ,أنا تعبت من الأولاد
الصاد : صف كندرتك محلها وعلق ملابسك مكانهم,مليت وأنا القط وراك
الضاد :ضاع عمري وأنا بتعب معك ليش شفت منك يوم خير
الطاء : طالع ها الغسيل وانشرو مشان ما يروح علي المسلسل
الظاء:ظاهرتك انك ما تحبنى.. في مرة طلبت منك طلب ولبيتلي ياه (الله اعلم شو مخبية طلب)
العين:عيوني..اليوم حكت أختك معي عالتلفون يالطيف على هالنفسية ...
الغين: غير يا أخي ها المواضيع حسسني انو بتحبني شوي
الفاء : فهمت عليك ما تكمل (تقطعلو كلامه مشان تحكي شغلة برأسها )
القاف : قدر يا أخي شوي...كل شغل البيت على راسي...
الكاف: كم مرة قلت لك انو أمك ما بتحبني
اللام : ليش اهلك عزموا بيت أخوك وما عزمونا ؟؟
الميم : معقول البس نفس الفستان على الحفلتين
النون : نسيت انو بكرة عيد ميلاد بنت أختي
الهاء :هيك رح تضل؟ترى بروح لبيت أهلي!
الواو : ولدت أختي شو بدك تهديهم
الياء : يالله ايدك على 5000ليرة حلاوة الصلحة..لأنك زعلتني وكسرت خاطري
ويستمر المسلسل إلى ما شاء الله
أمر من المسلسلات التركية
والمكسيكية
يعني بالعربي الفصيح ما بيخلص
أضف تعليقا
من مصر
حلو كتيييييييييييييير
بس البنات ضمنت ان عمرها ماتتجوز بعد ما الاولاد تقرا الموضوع دة هههههههههههه 
من سوريا
بكلامك هاد يمكن يبطل الشباب تتزوج أو حتى تفكر بالخطبة ما كنت مفكرتك متحيز للشباب بهالشكل انت مع مين معنا ولا معهم؟؟لازم شاب متلك فهيم ومتحضر يوقف معنا ضدهم على كل حال شكرا كتير الك وشكرا على مقالاتك الرائعة جدا
بتمنالك كل التوفيق
صديقتك شام
من سوريا
اشكر الجميع على تواضعهم بالمرور والتعليق اللي بيسعدني على ماكتبتم اتمناء من الجميع التواصل
وامنياتي للجميع حياة سعيدة
شادي
من سوريا
شكرا ياشام على تعليقك الحلو
لما وضعت المدونة على صفحتي مو من شان أقلل من قيمة البنات لا بس من شان أجعل البسمة تظهر على شفاه أخواتي الفاضلات.
وانا بعتزر من جميع أخواتي عن سوء التعبير...
شاكرين حسن تعاونك
شادي
من سوريا
بصراحة اللي بيسمعك بيقول هاد شبعان نق ..,بس حلوة كتيير و نحنا بناخذها بروح معنوية ,اتمنى لك التوفيق في كتابة المزيد من الافكار الحلوةزتقبل مروري .
من سوريا
شكرا لك صديقي على هذا المقال الجميل
معك حق نق النسوان لا ينتهي
اتمنى لك التوفيق
من سوريا
اخي الكريم:
المقال ممتع جدا و لكن فيه اجحاف كبير بحق النساء
ما قصتك معهن دائما تحاول ان تضربهم باحجارك
ترى ما ما بيطلعلك معهم انتبه على نفسك
و غير هذه الموجة العنيفة ضدهم
أضف تعليقا
<<الصفحة الرئيسية
من سوريا
كل هالشي النسوان نقاقات لو كنت زلمة لبطلت اتزوج